music performed by Burns
enthusiasts
'A lovely song about a lovely place. Different melodies have
been associated with these lyrics; our version uses the tune known best as Dainty Davie.'
Robert Burns, trad. - Performed by Linda Dewar
Now simmer blinks on flow'ry braes,
And o'er the crystal streamlet plays,
Come, let us spend the lightsome days
In the birks of Aberfeldy
Bonnie lassie, will ye go,
will ye go, will ye go,
Bonnie lassie, will ye go
To the birks of Aberfeldy?
The little birdies blithely sing,
While o'er their heads the hazels hing;
Or lightly flit on wanton wing
In the birks of Aberfeldy!
The braes ascend like lofty wa's,
The foaming stream, deep-roaring, fa's,
O'er-hung wi'fragrant spreading shaws,
The birks of Aberfeldy.
The hoary cliffs are crown'd wi'flowers,
White o'er the linns the burnie pours,
And, rising, weets wi' misty showers
The birks of Aberfeldy.
Let fortune's gifts at random flee,
They ne'er shall draw a wish frae me,
Supremely blest wi' love and thee
In the Birks of Aberfeldy
